x

Karikatur Tempo

Iklan

Taufan S. Chandranegara

Penulis Indonesiana
Bergabung Sejak: 23 Juni 2022

Jumat, 14 April 2023 19:01 WIB

Ngobrol dari Pinggiran: Doel Sohib Galau

Ngobrol dari Pinggiran: Doel Sohib Galau. Kreasi artikel obrolan hiburan ala Betawi, sembari lestari lingkungan budaya Betawi alias Jakarta, kota urban metro tempat hamba berteduh sejak lahir di Rumah Sakit Budi Kemulyaan, lantas bermukim di Petamburan awal balita, biar makin jelas neh, ane lahir di Betawi, ampek sekarang. Salam beken saudaraku.

Dukung penulis Indonesiana untuk terus berkarya

Ngobrol dari Pinggiran: Doel Sohib Galau
Alegoris Taon Kejadian 2017. Ceritanye nih.

Doel sendirian lagi asik ngobrol ame dirinye. “Siapa bilang bulan cakep. Enggak tuh. Jelas tuh dari sini, pinggir Ciliwung. Bintang kagak bisa nandak, menari kalau orang sekarang bilang menurut KBBI. Udeh jelas tuh bintang kagak bisa nari. Noh! Tuh! Bintang diem ajeh.” Doel, memandangi sungai Ciliwung. “Emang adem nih kali.” Dia tarik napas panjang.

“Jadi cakep itu apa dong. Oh! Kalau bumi pindah ke bulan, kale. Oh! Kalau bumi jadi matahari, kale. Oh! Kalau langit jadi paradoksal. Biar rame musim anemia di langit, xixixi lucu juga ye, musim anemia di langit. Loh. Ya. Biarin. Abis banyak nyang aneh sekarang!”

Iklan
Scroll Untuk Melanjutkan

“Oh! Iye. Konon emang lagi trendi menyoal anemia di langit, ixixixi langit kok bisa ade musim anemia ye. Katanye sih begitu, konon kalau kite liat dari segi kabar berita simpang siur kayak jalanan macet … sebab kite kale ye, males tertib.

He he he Ane jadi ikutan kasih jempol, di media sosial. Oh! Kudunye enggak boleh ye. Wah! Ane berarti ikut miring juga dong, ikutan euforia menyoal tuh anemia di langit. He he he langit bisa anemia juga ye. Hati ane emang lagi seneng”

“Oh! Seneng. Jadi? Kalau balik soal menyoal bintang kagak bisa nari? Apa ane telepon, Nicolaus Copernicus, ye … Oh! Kan die udeh almarhum dari kapan tau. Kalau die mesing idup, pasti jawabannye sama. Bintang emang kagak bisa nari!. Pasti die jawabnye begitu. Sambil manggut-manggut kaya aktor di pelem-pelem tuh.”

“Kalau ane inget-inget neh. Rasio banding imaji sama dengan krusial pangkat dua dikali sepuluh min dua sama dengan enggak tahu dah. Ha ha ha Mpok Mustaji emang kalau ngeledek seru banget.”

“Die cerite ame ane. Ade nyang nyebelin waktu kondangan di kawinan keponakan. Ane belon dateng waktu itu. Mpok Mustaji dateng duluan bareng ame Bapak ane. Ade makhluk mau bikin cemburu pasangannye, tapi gagal total wk wk wk. Pura-pura mau salaman ame Bapak ane. Padahal mau selfie bareng Bapak ane, dasar Mpok Mustaji, die maen sikut ajeh xixixi. Kasian tuh makhluk, nyengir miring kekiri. Jadi tetamu kudu sopan, maen selonong aje”

“Menyoal bintang kagak bisa nari. Wajib dibahas ame permainan imajinasi kale ye, jadi kayak lenongan, maunye memadukan orasi ame nyanyian. Bedalah hai, orasi terjadi sebab ade maunye seolah-olah aklamasi, meskipun sebenernye kagak begituh amat. Mending nyanyi ape orasi ye. Nyanyi kale.”

“Nyanyi ame menyanyi bedanya ape ye. Oh! Ini kale. Nyanyi artinye ye menyanyi kale. Kalau menyanyi artinye bernyanyi-nyanyi, alias gosip kale ha ha ha bodong udelnye sih. Nah! Kalau nyanyi ame orasi suaranye sumbang juga? Jadi? Oh berarti emang kudu belajar nyanyi lagi kale. Ha ha udeh suaranye pas-pasan orasinye norak wk wk wk.”

“Kalo Ludwig van Beethoven, mesing idup, ane bisa minta tolong die cuy buat ajarin itu makhluk gimane menyanyi dengan santun dan indah. Kagak nerakain orang sembarangan. Emangnye sorga punya bapak moyangnye kale ye.”

“Ibarat kate misal nye nih, umpama loh, sorga neraka kagak ade gimane ye. Oh! Kite Bikin sorga kendiri. Caranye kite bikin semua orang bahagia saling hormat menghormati. Top banget dah.”

“Semoga ajeh. Makin banyak cinte, saling sayang menyayang, terbang tinggi bareng ke langit. Supaye kagak ada lagi tuh omong kasar depan publik, malu ame lidah dan mulut lah hai. Moga-moga ajeh punya malu. Kalau masih kagak punya malu juga, tutup ajeh palanye ame helem. Suruh wajib jalan mundur kayak undur-undur, mirip laron, idup ogah mati ogah, kayak kodok di bawah batok kelapa. Ho ho ho! Daku ngarang. Mending ngarang, dari pade orasi suaranye fales he he .... Sian deh itu makhluk suaranye fales xixixi”

“Dulu banget nih ye. Menurut kisah para filsuf dari berbagai negeri, udeh kasih contoh berbudi pekerti baik di sejarahnye. Kagak asal marah ame nguarin bahasa kagak santun, banyak kok contoh baik di sejarah dari zaman dulu. Tapi toh masih aje ada, makhluk aneh seolah-olah bergaya filsuf cinte eh taunye berbulu musang, Bray.”

“Jadi kayak boneka barbie dong xixixi. Lah iya! Sebel ane! Beraninya bikin teror otaknya bolong. Eit! Ane jadi ikut bolong juga neh otaknye. Abis kesel sih.”

“Siapa nyang kagak kesel. Beraninye ngeledek Bapak ane dari samping. Giliran ditantang ame Bapak ane dari depan kagak berani. Die ngeloyor kayak ayam sayur. Hobinye jadi plagiat bangga amat. Surealis emang kale tuh makhluk!”

“Sebenernya kagak usah kesel ame makhluk plagiat pengganda diri macem begituan. Tapi ane kesel banget, waktu Bapak ane diledekin. Gondok segede kedondong. Eh nyatanye! Begitu di tantang man to man ame Bapak ane xixixi die ngeloyor ngumpet di keteknye kendiri, sian deh.”

Mpok Mustaji muncul mendadak ngagetin Doel. “Dor!”

“Dor! Mpok. Eh! Ngagetin orang ajeh. Dari mane sih.”

“Biasa ngider nyari sekoteng buat enteh, Nih sekoteng sing panas. Biar kagak galau ajeh.”

“Gimane kagak galau Mpok. Di langit lagi musim demam epidemi virus plagiarisme jadi wajib mawas diri. Siap-siap melakukan tindakan fogging, supaye nyamuk pembawa virus itu bisa ditangkal sebelum mewabah. Kite kudu tetep mawas diri dan saling hormat menghormati Mpok, sesama warga bangsa. Kagak ada kok yang paling hebat di negeri ini. Semua anak bangsa yang berpikir positif dan rela bergotong-royong. Dua jempol dari ane dah.”

“Wah cocok tuh Doel. Salaman.” Doel asik menikmati sekoteng oleh-oleh Mpok Mustaji. Keduanya memandang Ciliwung beradu senyum, the end.

(15/3/2017)

***

Jakarta Indonesiana, April 14, 2023.

Ikuti tulisan menarik Taufan S. Chandranegara lainnya di sini.


Suka dengan apa yang Anda baca?

Berikan komentar, serta bagikan artikel ini ke social media.












Iklan

Terpopuler

Epigenesis

Oleh: Taufan S. Chandranegara

Jumat, 16 Februari 2024 14:31 WIB

Terkini

Semangat

Oleh: Malik Ibnu Zaman

7 jam lalu

Terpopuler

Epigenesis

Oleh: Taufan S. Chandranegara

Jumat, 16 Februari 2024 14:31 WIB