Ngobrol dari Pinggiran: Doel Sohib Ngobrol Lagi
Alegoris Taon Kejadian Adadeh. Ceritanye nih.
"Ramadan terindah alhamdulillah, semoga hati ini makin bersinar kebaikan. Amin. Nah, kite ngobrol dah yuk ngalor-ngidul bermanfaat. Bukan rahasia lagi kan, artikel ajakan Indonesiana.id, 'Kesempatan Penulis Indonesiana Menjadi KOL dalam Satu Indonesia Award' cakep bener itu artikel."
"Bukan soal fasilitas award-nye, tapi kebersamaan kite membangun ide-ide terindah, menarik, keren. Itu die persaudaraannye. Nah, biar lengkap info, sekaligus bisa tanya jawab ame admin Indonesiana.id, buruan deh pade ikutan jadi anggota grup Indonesiana.id, di Telegram. Link-nye ade di artikel entuh. Sekarang ye. Buruan Bro and Sist."
"Dari ribuan penulis hebat di Indonesiana.id, anggotanye baru ratusan di grup Telegram, Indonesiana.id. Kalau bisa semuanye kali ye jadi anggota grup. Kalau-kakek-nenek bilang neh, banyak temen banyak rezeki. Ngalap berkah rame-rame, saling tuker info ilmu rame-rame, saling peduli buat sesama bakal makin keren, makin rame, makin seru dah."
"Yuk kite bayangin sedepnye. Bisa ngobrol menyoal nyang pade mau magang, misalnye, kalau ade tugas semesteran seputar jurnalisme publik misalnye, atau seputar desain produksi dari suatu penerbitan, misalnye. Banyak manfaatnye ikutan grup Indonesiana.id, di telegram. Ngobrol rame-rame. Yuk! Sekarang kale. Maksa dot com hahaha."
"Doel punya satu rahasia neh hahaha, ceritain jangan ye. Cerita dikit deh, ane dulu pernah kerja di grup badan usahanye penerbit Majalah Tempo, Majalah Zaman, Majalah Medika, kira-kira era 80an. Jadi buruh sembari belajar. Tuh nyang bikin ane demen, dapet gaji bulanan plus belajar gratis sistem desain di komputer, hubungannye ame kualitas cetak plus grafis hehehe. Ape kagak sedep."
"Sambung lagi ceritenye ye. Paling remen kalau udah dapet tugas kontrol produksi percetakan, hihihi zaman PC jadul, bisa ngetik udeh girang hehehe. Ane kerja kebetulan banget dijurusan majalah kesehatan dan kedokteran, namenye Majalah Medika, menangani produksi iklan ame seminar kesehatan. Bos ane dulu namenye, dr. Kartono Mohamad, (1939-2020) beliau murah ilmu, seneng sastra dan seni."
"Ane sambung lagi dah neh ceritanye ye. Kalau kantoran ane bikin seminar kesehatan, ane ikutan nyimak, ya sedikit ngobrol tanya ini itu ame anggota seminar, ame pakarnye. Nah loh, dapet ilmu gratis lagi kan, dari obrolan santai dengan beliau-beliau."
"Rupanye cerita punya cerita, grup usaha ini dari dulu ampek sekarang kagak ade kurangnye, kagak ade matinye, tetep ade tuh ruang edukatif buat karyawan, maupun publik akademi nyang mau magang, mudah-mudahan perpus-nye, nyang dulu cakep makin lengkap. Udeh akh segitu aje, jadi terharu neh ane inget zaman jadul. Mangkenye pade buruan ikutan grup Telegran-nye Indonesiana.id, biar makin uhuy!"
"Dor!" Empok Mustaji, ngagetin Doel Sohib.
"Astaga naga-naganya. Elu ye Mpok Ngagetin ajeh."
"Ngapain Doel? Hihihi, nostalgia zaman jebot ye. Ehem. Inget siape Doel."
"Akh, ente Mpok, ade ajeh dehh. Kagak, ini Indonesiana.id lagi mau bikin kriyaan ajang Satu Indonesia Award 2023, ane kompor dah, biar meleduk rame. Biar makin seru Mpok."
"Waduh, keren tuh. Penulis-penulis hebat bakal bermunculan tuh Doel. Keren, dua jempol."
"Semoga penulis muda juga pada tampil ye Mpok."
"Wajib kale."
"Nah itu die, kadang kite suka tebalik. Mentang-mentang umur kite lebih tua, kite neh maunye paling depan ajeh."
"Kudunye gimane dong Doel."
"Nyang muda-muda wajib tampil di depan. Nah, umuran kite neh nyang udeh setengah abad lebih, ikut berjuang di barisan berikutnye. Begetoh Mpok."
"Berani tampil beda tetap beriman edukatif. Nyok belanja sayur asem Doel." Mpok Mustaji, semangat seorang ibu.
"Nyok!" keduanya berangkat bersepeda. Ciliwung tetep cerah-ceria.
***
Jakarta Indonesiana, April 28, 2023.
Ikuti tulisan menarik Taufan S. Chandranegara lainnya di sini.
